|
Una forsa politica avsina a la gent a peul nen che propone la question dij valor sociaj al prim post dël so proget politich
Ant ij ultim tren'ani ij l'oma assisti a un sèmper pi rapid degrad dij valor che gropavo la società ocidental. Ancheuj ij na pagoma grevement le conseguense.
La politica a l'a purtròp abandonà ël ròlo ëd garant dl esvilup dla società e a l'è trasformase an garant d'interesi ëd gros grup o ëd cordà econòmiche, ignorand che l'esvilup d'una società a's basa an sla capacità d'aggregassion ansima quàich valor fondant.
1.1 Arcreé ij valor fondant dla società
La Lega Padana a fa dël rapport tra l'om e la tera an sla qual a viv un punt andivisibil ëd tuti ij at politich e aministrativ. Ij valor fondant a son:
 |
La famija - Punt sentral dla vita dl'esse uman, da la cun-a la tomba ël sìngol a dev artrové an costa istitussion un riferiment precis. |
| L'atacament al travaj - Cost dirit sacrosant d’ògni esse uman a dev mem esse considerà coma n‘at dovu ma a dev restaurese ant la società la passion për ëi travaj, ch’a l’era fondamentale për ij nosti antich e che con ëi temp a lè staita sopiantò da una cultura ch’a l’a esaltà an manera esasperà i drit dël travajeur, an lassand sèmper pi da part ij dover. |
| L'amor për pròpia tera - Una società sensa rèis a l’è destinà a meuire. Propia cultura, le arsorse ëd propia tera, l'ambient andava as viv, a devo, nen mach esse rispettà, ma esse dzoratut riferiment chiair për l’esvilup futur e a devo esse un riferiment për l'integrassion dl'imigrassion ch’a intend trové an nosta tera nen mach n’esfrutament dle arsorse che chila a peul deje, ma un futur sicur ëd vita për se medésima e për le generassion ch’a vniran. |
2.1 La Qualità dla vita al sènter dla politica
Ancheuj vivoma an un'época andova la chërsùa social a l’a, laragment, fait argionze a nosta società coi punt essensial ëd minim vital. La ca a l’è oramai un drit acquisì, tant coma la màchina o ël drit a l’estudi. Donca un proget politich projetà vers ël futur a dev pone al sènter ëd propia atenson la qualità dla vita.
La politica e l'aministrsson a devo favorì l'inseriment dla tecnologia ant la società, a devon fé an manera che:
| l'esse uman a peusa gavé propio temp a ij spostament
për arivé al post ëd travaj, dedicand pi temp a la famija o al temp liber; |
| ël travaj andava a sia posibil as dëslupa fra le murje doméstiche o a poca distansa da propia abitassion; |
| ij ore ëd travaij a sio coerente rispet a propie aspetative; |
| l’ësvilup urbanistich a sia armonich, arifudand la politica dij quartié ghet, o, ant ël nom dle lobbies dij costrutor as seguita an sla strà diji avié anvivibij dle periferie dle noste aree urbane; |
| ël raport con l'ambient a sia sémper pi streit e mirà a l'usagi d’arsorse energetiche rinovabij e al risparmi ëd materiaj nen ricuperabij; |
| a sia garantia la chërsua cultural ant ël rispett dle rèisi ëd propi popol. |
|
|
