14.1 Ordin publich

Uno dij setor andova ël sitadin a serca disperatament rispòste ciaire a l’è col dl'ordin publich. A l’é inacetabil che ël Piemont ed an particolar una sità come Turin, sènter dl'Europa sivil a deuva vive un clima d’insicuressa degn dle pegior sità nordafricane.
Un programa ch’a veuja rilancié nosta tera a dev dé rispòste ciaire al problema: la Classe Politica e le Istitussion a peulo nen e a devo nen stërmese daré a un dil e a devo intervene con tuti i mojen che le legi aj buto a disposission për ridé sicuressa al sitadin. An particolar a dev esse rivëddu ël ròl dla Polissìa Municipal (Polissìa Regional) svilia ant ij ani a una funsion poc pi che aministrativa, o pes ancora a una machina specialisò an multe për diviet ëd sosta.
La Polissìa Municipal (Polissìa Regional) a dev ricuperé a pien ël ròl previst da la lege an materia d’Ordin Publich e le indicassion a dovran esse ëd ferm e total intervent për bate tuti ij setor ch’a creo disagi al sitadin.
Microcriminalità:
Dcò an cost setor le legi a prevëddo për la Polissìa Municipal (Polissìa Regional) ampia facoltà d’intervent. A venta donca una riorganisassion dël servissi ëd neuit ëd vigilansa, aumentand le patoja, istituend ant ij gross Sènter la figura dël Civich ëd Quartié, figura ch’a dovrà avej, ansel model american, una conoscensa total dl'area ch’a l’an fidaje.

14.2 La Polissìa Nassional

Una riforma radical a dev esse afrontà an materia ëd Polissìa local. Ancheuj ël panorama ch’as presenta a l’è d’una polverisassion: 1209 Comun an Padania con soa Polissìa Municipal. Ant la pi part diji cas as trovoma davanti a personal impreparà, douvrà për ij pi divers servissi burocratich e ant ij gross sènter l'usagi ch’a va për la magior al’è col ëd notificator.
Për ij Comun al contrari as trovoma davanti a la scarsità d’omo, e ai problema dla covertura dij Servissi con torn, festività, ferie e maladia ch’a rendo an molti cas, e dzoratut ant ij cit Comun, ël servissi precari o pes inesistent.
Discutibil peui a l’è ël raport tra Polissìa Municipal e Sindich o pes Segretari Comunalj arogant: a l’è ëd total suditansa ant ij confront ëd coste doe figure.
A l’é donca necesaria una riforma radical ch’a sposta la dipendensa dla Polissìa Municipal da ij singoj Comun a la Region. As trata, an pratica ëd creé un Corp ëd Polissìa Nassional da assegné an Servissi press ij Singoj Comun ant ël numer prestabilì second ij abitant e a le reaj necessità.
An cost cas as verificheria una riqualificassion dël ròl dla Polissìa local recuperand ël ròl primari ëd Forsa dl'Ordin con un decis abandon ëd coi servissi ch’a peulo tranquilament esse eseguì da autre figure a l'interieur dij singoj Ent.

14.3 Ij Podej e ël ròl dle forse dl'ordin

Una rassionalizassion dl'usagi dle Forse dl'Ordin as rend pi che mai necessaria. La domanda ëd ronde dij sitadin, a l’è la logica conseguensa dl’assensa ëd risposte a le esigense d’ordin publich.
Anlora al’é necessari un divers usagi dle forse disponibij: fora da ij ufisi, ant le strà, andova a l’è necessaria so presensa, con una sensibil ridussion dle forse dovrà për le scorte e për ij servissi d'ordin an diversi cas nen necessari.